AZƏRBAYCANIN ALMANİYADAKI SƏFİRİ KONRAD ADENAUER FONDUNUN İDARƏ RƏİSİ İLƏ GÖRÜŞMÜŞDÜR
Görüşdə Adenauer Fondu ilə Azərbaycan arasında indiyə qədər mövcud əməkdaşlıq əlaqələri, həyata keçirilmiş birgə layihələr və onların nəticələri barədə fikir mübadiləsi aparılmış, əməkdaşlığın daha da inkişaf etdirilməsi yolları müzakirə olunmuşdur.
Cənab Gerhard Vahlers təmsil etdiyi nüfuzlu Fondun 2007-ci ilin ikinci yarısından etibarən Azərbaycanda öz fəaliyyətini daha da genişləndirmək və inkişaf etdirmək əzmində olduğunu və bu zaman hüquqi dövlət, KİV-lərlə əlaqə, parlamentlər və universitetlərarası əməkdaşlığın daha da təkmilləşdirilməsi məsələlərinə xüsusi diqqət yetiriləcəyinin zəruriliyini vurğulamışdır.
Azərbaycan səfiri Konrad Adenauer Fondunun bu xoşməramlı niyyət və təşəbbüsünü alqışladığını qeyd etmiş və əməkdaşlığın faydalı olacağına əminliyini bildirmişdir.
Tərəflər 2007-ci ildə bəzi müştərək tədbirlərin keçirilməsi barədə razılığa gəlmişlər.
Bölmənin digər xəbərləri
