AZƏRBAYCANIN BELARUSDAKI SƏFİRLİYİNDƏ ÖLKƏMİZDƏ PREZİDENT SEÇKİLƏRİNƏ HƏSR EDİLMİŞ MÜŞAVİRƏ KEÇİRİLMİŞDİR
AZƏRTAC-ın xüsusi müxbiri xəbər verir ki, Azərbaycanın Belarusdakı səfirliyində ölkəmizdə qarşıdan gələn prezident seçkilərinə hazırlıqla bağlı geniş müşavirə keçirilmişdir. Tədbirdə səfirliyin əməkdaşları, Azərbaycan Respublikası Mərkəzi Seçki Komissiyasının (MSK) üzvü Tofiq Həsənov, Belarusun bütün bölgələrindən diasporumuzun nümayəndələri iştirak etmişlər.
Səfir Əli Nağıyev Azərbaycanın inkişafının dəqiq və hərtərəfli mənzərəsini verərək bildirmişdir ki, ölkəmiz ÜDM-in artım sürətinə görə dalbadal üç il dünyada lider olmuşdur. Son illər respublikada 650 min iş yeri açılmışdır.
Səfirliyin müşaviri, diplomatik nümayəndəlikdəki seçki məntəqəsinin sədri Asya Manafova tədbir iştirakçılarını seçki komissiyasının üzvləri və seçkilərin keçirilməsi qaydaları və şərtləri ilə tanış etmişdir.
Tədbirdə MSK-nın nümayəndəsi T.Həsənov, Azərbaycan İcmaları Konqresinin sədri N.Bağırov, “Qobustan” İctimai Birliyinin sədri B.Qənbərov da çıxış etmişlər.
Bölmənin digər xəbərləri
