AZƏRBAYCANIN BELARUSDAKI SƏFİRLİYİNDƏ RESPUBLİKA GÜNÜ İLƏ ƏLAQƏDAR TƏDBİR KEÇİRİLMİŞDİR
AZƏRTAC xəbər verir ki, Azərbaycanın Belarusdakı səfirliyi Minsk şəhərində Azərbaycan Xalq Cümhuriyyətinin 90 illik yubileyi münasibətilə tədbir keçirmişdir.
Tədbirdə Belarusun müdafiə naziri L.Maltsev, dövlət müdafiə-sənaye komitəsinin sədri N.Azamatov, Prezidentin təhlükəsizlik məsələləri üzrə müşaviri V.Lukaşenko, xarici işlər nazirinin birinci müavini İ.Petrişenko, diplomatik korpusun nümayəndələri, ziyalılar və azərbaycanlı tələbələr iştirak etmişlər.
Hər iki ölkənin dövlət himni səsləndikdən sonra Azərbaycanın Belarusdakı səfiri Əli Nağıyev 90 il əvvəl Şərqdə ilk demokratik dövlət olan Azərbaycan Cümhuriyyətinin tarixi haqqında ətraflı məlumat vermişdir.
Səfir Azərbaycan Respublikasının müstəqilliyini yenidən bərpa etdikdən sonra əldə olunmuş uğurlar, Azərbaycanın inkişafında ümummilli lider Heydər Əliyevin misilsiz xidmətləri və onun layiqli davamçısı Prezident İlham Əliyevin yeritdiyi siyasət haqqında danışmışdır.
Belarusun fövqəladə hallar naziri Ənvər Bariyev Respublika günü münasibətilə Azərbaycan xalqını təbrik etmiş, ölkələrimiz arasında əlaqələrin möhkəmlənməsindən danışmışdır.
Səfirlik bayram münasibətilə Azərbaycan Xalq Cümhuriyyəti və Azərbaycan Respublikası haqqında məlumatlar yaymışdır.
Bölmənin digər xəbərləri
