AZƏRBAYCANIN BMT-DƏ İŞLƏYƏN DİPLOMATLARI ƏN QANUNPƏRƏST ƏMƏKDAŞLAR SAYILIRLAR
Alimlər 1997-2002-ci illər dövrünün məlumatını nəzərdən keçirmişlər. Bu dövr ərzində diplomatlar üst-üstə 18 milyon dollar məbləğində 150 mindən çox cəriməni ödəməmişlər.
Müəyyən edilmişdir ki, Azərbaycan və Latviya diplomatları ən qanunpərəst əməkdaşlardır. Nyu-York polisinin onlara qarşı heç bir iradı yoxdur, çünki bu diplomatların hesabında heç bir ödənilməmiş cərimə yoxdur. Onlar Böyük Britaniya, Niderland, Oman, İsrail, Yunanıstan və Ekvador diplomatları ilə birlikdə liderlər qrupundadırlar.
Ən intizamsızlar siyahısında isə Küveyt (ildə hər diplomata orta hesabla 246,2 ödənilməmiş cərimə düşür), Misir və Çad nümayəndələri liderdirlər. Postsovet dövlətlərindən Qazaxıstan diplomatları fərqlənmişlər - ümumi hesabda 33-cü yer, hər diplomat ildə 21,1 cəriməni ödəməmişdir. 59-cu və 64-cü yerləri tutan Ermənistan və Gürcüstan diplomatları isə müvafiq surətdə 10,1 və 64 cəriməyə məhəl qoymamışlar.
Bölmənin digər xəbərləri
