Azərbaycanın Fövqəladə Hallar Nazirliyinin nümayəndə heyəti Qətər Dövlətində səfərdə olmuşdur
Bakı, 12 noyabr (AZƏRTAC). Azərbaycan Respublikasının fövqəladə hallar naziri, general-polkovnik Kəmaləddin Heydərovun rəhbərlik etdiyi nümayəndə heyəti Qətər Dövlətində işgüzar səfərdə olmuşdur.
Fövqəladə Hallar Nazirliyindən AZƏRTAC-a bildirmişlər ki, nümayəndə heyəti Qətərin Daxili İşlər Nazirliyi tərəfindən təşkil olunmuş IV Mülki Müdafiə sərgi və konfransında iştirak etmişdir.
Fövqəladə Hallar Nazirliyinin nümayəndə heyəti tədbir çərçivəsində təşkil edilmiş sərgidə mülki müdafiə avadanlıqları ilə yaxından tanış olmuşdur.
Səfər çərçivəsində fövqəladə hallar naziri Kəmaləddin Heydərov Qətərin Baş naziri və daxili işlər naziri Abdullah bin Nasser bin Xəlifə Al Tani ilə görüşmüşdür.
Görüşdə təbii və texnogen xarakterli fövqəladə hallara hazırlıq və fəlakətlərə daha təsirli cavabvermə üzrə hər iki ölkənin əldə etdiyi təcrübədən birgə yararlanmaq perspektivləri ətrafında qarşılıqlı maraq doğuran məsələlər müzakirə olunmuşdur.
Bölmənin digər xəbərləri
