AZƏRBAYCANIN KİŞİLƏRDƏN İBARƏT YIĞMASI ŞAHMAT ÜZRƏ AVROPA ÇEMPİONATININ LİDERLƏRİ SIRASINDADIR
Bakı, 28 oktyabr (AZƏRTAC). Serbiyanın Novi Sade şəhərində keçirilən kişilər arasında şahmat üzrə Avropa çempionatının 7-ci turu başa çatmışdır. Bu turda liderlərin görüşü gərgin mübarizə şəraitində keçmişdir.
İlk heç-heçə hesabı birinci lövhədə Azərbaycan şahmatçısı Teymur Rəcəbov və Ermənistan təmsilçisi Levon Aroyanın görüşündə qeydə alınmışdır: 0,5:0,5. Onun ardınca beynəlxalq qrossmeyster Vüqar Həşimov Vladimir Akopyanla (0,5:0,5), Şəhriyar Məmmədyarov Tiqran Petrosyanla (0,5:0,5) heç-heçə oynamış, Qədir Hüseynov isə Qabriel Sarkisyana 0:1 hesabı ilə məğlub olmuşdur.
Azərbaycanın qadınlardan ibarət yığması isə 0:4 hesabı ilə Rusiya yığmasına uduzmuşdur.
Azərbaycan yığması yeddi turun nəticəsinə əsasən 11 xalla Rusiya və Ermənistan komandaları ilə ilk 3 yeri bölüşür.
Bölmənin digər xəbərləri
