AZƏRBAYCANIN VOLEYBOL ÜZRƏ YIĞMA KOMANDASININ AVROPA ÇEMPİONATINDA RƏQİBLƏRİ MƏLUM OLMUŞDUR
Bakı, 27 oktyabr (AZƏRTAC). Azərbaycanın qadınlardan ibarət yığma voleybol komandasının 2011-ci il Avropa çempionatında rəqibləri məlum olmuşdur.
Püşkün nəticəsinə əsasən, A qrupunda yarışacaq yığmamızın qrup mərhələsində rəqibləri Belarus, Bosniya və Herseqovina, Gürcüstan komandaları olacaqdır.
Oyunlar 2010-cu ilin mayında keçiriləcəkdir. Qrup qalibi olmuş kollektiv qitə çempionatının final mərhələsində yarışmaq hüququ qazanacaqdır.
Azərbaycanın kişilərdən ibarət yığma komandası isə ilkin mərhələdə İngiltərə komandası ilə qarşılaşacaqdır.
İki oyunun nəticəsinə əsasən, qalib komanda Avropa çempionatının növbəti mərhələsinə vəsiqə qazanacaqdır.
Bölmənin digər xəbərləri
