Azərbaycanın Xalq Artisti Yusif Eyvazov Parisdə “Trubadur” operasında çıxış edəcək
Bakı, 3 iyul, AZƏRTAC
Azərbaycanın Xalq Artisti Yusif Eyvazov iyulun 5-də və 11-də Parisdə Bastiliya Opera Teatrının səhnəsində Cüzeppe Verdinin “Trubadur” operasında çıxış edəcək.
AZƏRTAC opera teatrının saytına istinadla xəbər verir ki, Yusif Eyvazov səhnə əsərində Manrikonun partiyasını ifa edəcək.
Karyerasına İtaliyanın teatr və konsert zallarında başlayan Y.Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Y.Eyvazovun adı “Dünyanın ən yaxşı tenorları” kitabında yer alıb.
Bölmənin digər xəbərləri
