AZƏRBAYCANIN XARİCİ İŞLƏR NAZİRİ NYU-YORKDA TÜRKMƏNİSTANLI HƏMKARI İLƏ GÖRÜŞMÜŞDÜR
AZƏRTAC xəbər verir ki, Azərbaycanın xarici işlər naziri Elmar Məmmədyarov sentyabrın 29-da Nyu-Yorkda türkmənistanlı həmkarı Rəşid Meretovla görüşmüşdür.
XİN-in mətbuat xidmətindən bildirmişlər ki, görüşdə ikitərəfli siyasi, iqtisadi əlaqələrin perspektivləri, beynəlxalq, regional və enerji məsələləri ətrafında fikir mübadiləsi aparılmışdır.
Həmin gün E.Məmmədyarov Azərbaycanın ABŞ-dakı diplomatik nümayəndəliklərinin rəhbərləri də görüşmüşdür. ABŞ-dakı səfir Yaşar Əliyev, BMT yanında daimi nümayəndəliyin rəhbəri Aqşin Mehdiyev və Los-Ancelesdəki baş konsul Elin Süleymanovun iştirak etdiyi bu görüşdə gələcək planlar müzakirə edilmiş, E. Məmmədyarov onları təlimatlandırmışdır.
Bölmənin digər xəbərləri
