AZƏRBAYCANLI AKTRİSA XÜSUSİ MÜKAFATA LAYİQ GÖRÜLMÜŞDÜR
AZƏRTAC-ın xüsusi müxbiri xəbər verir ki, İstanbulda “Özəl Burc Təhsil Kurumları” Vəqfi və STV kanalının birgə təşkil etdikləri jurnalistika, kino və televiziya sahəsində mükafatların təqdimat mərasimi keçirilmişdir.
Türkiyədə yaşayan azərbaycanlı aktrisa Məlahət Abbasova qardaş ölkədə və Azərbaycanda populyar olan “Min bir gecə” serialında yüksək ifaçılıq məharətinə görə, münsiflər heyətinin xüsusi mükafatına layiq görülmüşdür.
Mükafatı aktrisaya ölkəmizin İstanbuldakı konsulu Günay Əfəndiyeva təqdim etmişdir.
Mükafata layiq görülənlər arasında Kanal-D televiziyasının “Arena” proqramının yaradıcısı, tanınmış jurnalist Uğur Dündar, “Show TV” kanalının aparıcısı Dərya Baykal, TRT-nin aparıcısı Kamal Gülən də vardır.
Bölmənin digər xəbərləri
