“Azəriqaz” İstehsalat Birliyi “Caspian Business Award 2021” mükafatına layiq görülüb
Bakı, 18 dekabr, AZƏRTAC
“Caspian European Club” “Caspian Business Award-2021” beynəlxalq mükafatının təqdimetmə mərasimini keçirib. “Azəriqaz” İstehsalat Birliyi (İB) “Regionların sosial inkişafına verdiyi xüsusi töhfəyə görə” mükafatına layiq görülüb.
İB-dən AZƏRTAC-a bildirilib ki, mükafat birliyin baş direktoru Ruslan Əliyevə təqdim olunub. Göstərilən diqqətə görə təşkilatçılara minnətdarlığını bildirən “Azəriqaz” İB-nin baş direktoru Ruslan Əliyev bildirib ki, birlik bundan sonra da sahibkarların dostu kimi münasibətlərin daha da möhkəmləndirilməsinə çalışacaq. “Birlik tərəfindən hər zaman şəhid və qazi ailələrinin müraciətlərinin həllinə necə həssaslıqla yanaşılıbsa, bundan sonra da onların qayğıları ilə daha da yaxından maraqlanacağıq”, - deyə R.Əliyev qeyd edib. Nominantlar yüksək və orta səviyyəli şirkətlərin menecerləri arasında keçirilən sorğu nəticəsində müəyyənləşdirilib.
Qeyd edək ki, “Caspian Business Award 2021” mükafatı “İlin neft və qaz istehsalçısı” nominasiyasında SOCAR-ın “Azneft” İstehsalat Birliyi, “İlin qazma şirkəti” nominasiyasında SOCAR-ın Kompleks Qazma İşləri Tresti mükafatlandırılıb. Mükafat alanlar sırasında Azərbaycanın digər tanınmış şirkətləri də var.
Bölmənin digər xəbərləri
