“Azərkosmos” Keyptaunda beynəlxalq telekommunikasiya sərgisində təmsil olunacaq
Bakı, 17 noyabr, AZƏRTAC
Azərbaycan Respublikasının Kosmik Agentliyi - “Azərkosmos” noyabrın 14-dən 16-dək Cənubi Afrika Respublikasının Keyptaun şəhərində keçiriləcək beynəlxalq telekommunikasiya sərgisi “AfricaCom 2023”də təmsil olunacaq.
AZƏRTAC xəbər verir ki, media, yayım, telekommunikasiya və əyləncə biznesinin aparıcı oyunçularını bir araya gətirən ən böyük qlobal tədbirlərdən biri olan “AfricaCom” sərgisində “Azərkosmos” xidmətləri və həlləri haqqında ən son yenilikləri təqdim edəcək.
Qeyd edək ki, “Africa Tech Festival” çərçivəsində keçirilən “AfricaCom 2023” sərgisində bu il 110 ölkədən 5400-dən çox şirkət və 1100-dən çox startap təmsil olunacaq. 400-dən çox spikerin çıxış edəcəyi tədbirə 15 mindən çox iştirakçının qatılacağı gözlənilir.
Bölmənin digər xəbərləri
