AZƏRTAC-ın fotomüxbiri Amerika Fotoqrafiya Cəmiyyətinin qızıl medalına layiq görülüb
Bakı, 1 mart, AZƏRTAC
AZƏRTAC-ın fotomüxbiri İlqar Cəfərov Serbiyada keçirilən beynəlxalq “DPW WMC CIRCUIT 2018” fotomüsabiqədə Amerika Fotoqrafiya Cəmiyyətinin (Photographic Society of America) qızıl medalına layiq görülüb.
AZƏRTAC xəbər verir ki, Beynəlxalq Fotoqrafiya Sənəti Federasiyasının (FIAP) və Amerika Fotoqrafiya Cəmiyyətinin (PSA) himayəsi ilə dairəvi sistem üzrə keçirilən fotomüsabiqəyə dünyanın 53 ölkəsindən 321 fotoqrafın işləri təqdim edilib.
PSA-nın qızıl medalına layiq görülmüş “Ştanqqaldıran qızın emosiyaları” adlı fotoşəkli İlqar Cəfərov 2016-cı ilin avqust ayında Rio-de-Janeyro şəhərində (Braziliya) keçirilən Olimpiya oyunlarında çəkib.
Bölmənin digər xəbərləri
