Şuşa şəhərinin ərazisində yerləşən abidələrlə bağlı qanun sərtləşdirilir
Bakı, 12 iyun, AZƏRTAC
Milli Məclis “Azərbaycanın mədəniyyət paytaxtı – Şuşa şəhəri haqqında” Qanunda dəyişiklik edilməsi barədə qanun layihəsini bir oxunuşda təsdiqləyib.
AZƏRTAC xəbər verir ki, bu məsələ parlamentin iyunun 12-də keçirilən plenar iclasının gündəliyinə daxil edilib.
Qanun layihəsinə əsasən, sənədin 5.2-ci maddəsi yeni redaksiyada verilir. Dəyişikliyə görə, Şuşa şəhərinin ərazisində yerləşən abidələrin korlanması və ya məhv edilməsi, müvafiq icra hakimiyyəti orqanının müəyyən etdiyi orqanla (qurumla) razılaşdırılmadan başqa yerə köçürülməsi, eləcə də onların toxunulmazlığını pozan və onlar üçün təhlükə yaradacaq tikinti-quraşdırma, bərpa, rekonstruksiya, konservasiya işlərinin və ya abadlaşdırma tədbirlərinin aparılması qadağandır.
Bölmənin digər xəbərləri
