“Bakı-2017”: Kişi voleybolçulardan ibarət İran millisi Mərakeş yığmasına qalib gəlib
Bakı, 16 may, P.Rəhimova, A.İsmayılova AZƏRTAC
Mayın 16-da “Bakı-2017” IV İslam Həmrəyliyi Oyunlarının voleybol yarışlarında növbəti oyun keçirilib.
AZƏRTAC xəbər verir ki, kişi voleybol komandaları arasında “B” qrupu çərçivəsində İran və Mərakeş yığma komandaları üz-üzə gəliblər. Görüş İran millisinin 3:0 (25:15, 25:23, 25:11) hesablı qələbəsi ilə yekunlaşıb.
Günün digər oyununda “A” qrupunda yer alan kişi voleybolçulardan ibarət Azərbaycan və Fələstin milliləri qarşılaşacaqlar.
Günə qadın voleybol komandaları arasında keçiriləcək Qırğızıstan-Tacikistan oyunu ilə yekun vurulacaq.
Bölmənin digər xəbərləri
