İQTİSADİYYAT
Bakı Metrosunda Uşaqların Beynəlxalq Müdafiəsi Günü ilə əlaqədar maraqlı aksiya təşkil edilib
Bakı, 1 iyun, Elvin Camalov, AZƏRTAC
"Bakı Metropoliteni" QSC 1 iyun - Uşaqların Beynəlxalq Müdafiəsi Gününü özünə məxsus şəkildə qeyd edir.
AZƏRTAC xəbər verir ki, qatar metro stansiyaların platformasına yaxınlaşan və platformadan hərəkət edən zaman qatarın getdiyi istiqamət barədə məlumatlandırıcı səs hər iki dildə (Azərbaycan dili və İngilis dili) uşaq səsi ilə səsləndirilir. Təşkil edilən bu maraqlı aksiya sərnişinlərin üzündə təbəssümə səbəb olub və xoş əhval bəxş edib. Həmçinin metronun stansiyalarında, eskalatorda enib-qalxarkən metronun qaydaları və təhlükəsizlik barədə eşidilən elan da uşaqların dili ilə səsləndirilir.
Bundan əlavə metro stansiyaların elektron lövhələrində Uşaqların Beynəlxalq Müdafiəsi Gününə həsr olunan yazılar da nümayiş etdirilir.