BAKI ŞƏHƏRİNDƏ BİR GÜNDƏ 18 MİN ƏDƏD AĞAC ƏKİLMİŞDİR
Səbail rayonunun Bayıl qəsəbəsində və Qaradağ rayonu ərazilərində bir gündə 18 min ədəd müxtəlif növ ağac əkilmişdir. Bakıdakı ali məktəblərin müəllim və tələbələri, şəhərin səhiyyə işçiləri, Yeni Azərbaycan Partiyası İdarə Heyətinin üzvləri və fəalları, habelə Milli Məclisin deputatları tədbirdə iştirak etmişlər.
Bakı Şəhər İcra Hakimiyyətinin başçısı Hacıbala Abutalıbov AZƏRTAC-ın müxbirinə bildirmişdir ki, insanlar əsl bayram əhval-ruhiyyəsi ilə işləyirlər, çünki onlar Azərbaycanın ümummilli lideri Heydər Əliyevin tövsiyə və tapşırıqlarını yerinə yetirməkdən mənəvi zövq alırlar. Əkilən ağaclar isə Bakı Şəhər İcra Hakimiyyətinin daxili imkanları hesabına alınmışdır. Yaşıllaşdırılan ərazilərdəki ağacların suvarılması ilə bağlı heç bir problem olmayacaqdır, ona görə ki, ilin bütün fəsillərində həmin ərazilərdəki suvarma xətlərində su olur.
Bölmənin digər xəbərləri
