ELM VƏ TƏHSİL

Bakıda 9-cu və 11-ci sinif şagirdləri üçün iyunun 2-də keçirilmiş buraxılış imtahanlarının nəticələri açıqlanıb

05.06.2015 [12:21]
Çap et
A⁺ A^-

Bakı, 5 iyun, AZƏRTAC

Tələbə Qəbulu üzrə Dövlət Komissiyası (TQDK)iyunun 2-də Bakı şəhərindəki orta ümumtəhsil müəssisələrinin buraxılış siniflərində təhsil alan şagirdlər üçünmərkəzləşdirilmiş qaydada buraxılış imtahanları keçirib.

TQDK-dan AZƏRTAC-a bildiriblər ki, həmin gün, eyni zamanda, Bakı şəhərində fəaliyyət göstərən məcburi köçkün rayonlarının orta ümumtəhsil müəssisələrinin buraxılış siniflərində təhsil alan şagirdlər də buraxılış imtahanı veriblər.

Bu imtahanların nəticələri iyunun 4-də saat 16:30-dan etibarən TQDK-nın internet saytında yerləşdirilib.

İmtahanlarda iştirak etmiş hər bir şagird test tapşırıqlarına verdiyi düzgün və səhv cavablar haqqında məlumatı Komissiyanın internet saytı ilə yanaşı Azercell, Bakcell və “Nar” mobıl operatoru nömrələrindən mobil telefonla şagird kodunu 7727 nömrəsinə göndərməklə öyrənə bilər.

9-cu sinif

Buraxılış imtahanları test üsulu ilə ana dili və riyaziyyat fənləri üzrə keçirilib. Şagirdlərə hər bir fənn üzrə 30, ümumilikdə 60 test tapşırığı təqdim edilib. Bundan əlavə, şagirdlər təqdim edilmiş mövzu üzrə yazı işi (inşa) yerinə yetiriblər. İmtahanın ümumi müddəti iki saat müəyyənləşdirilib, test tapşırıqlarının yerinə yetirilməsinə 1,5 saat, yazı işinin yerinə yetirilməsinə 30 dəqiqə vaxt ayrılıb.

İmtahanda iştirakı nəzərdə tutulan 31490 şagirddən 404 nəfəri imtahana gəlməyib, 5 nəfər qaydaları pozduğu üçün nəticələri ləğv olunub. TQDK-nın internet saytında 31081 şagirdin imtahan nəticələri yerləşdirilib.

Qeyd edək ki, ümumi orta təhsil bazasında (9 illik ) keçirilmiş buraxılış imtahanında ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 8-dən az olmayan şagirdlər müvəffəq qiymət alırlar.

IX sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:

Qiymət	Fənlər üzrə düzgün cavabların sayı
Qiymət	Ana dili (Azərbaycan bölməsi)	Ana dili (rus bölməsi)	Riyaziyyat
2	0-7	0-7	0-7
3	8-16	8-16	8-16
4	17-23	17-23	17-22
5	24-30	24-30	23-30

İyunun 2-də ümumi orta təhsil bazasında (9 illik) keçirilmiş buraxılış imtahanının nəticələrinə dair statistik məlumat

Qiymət	Ana dili		Riyaziyyat
Qiymət	sayı	faizi	sayı	faizi
[ 2 ]	4221	13.58	4385	14.11
[ 3 ]	12646	40.69	12975	41.75
[ 4 ]	8361	26.90	7967	25.63
[ 5 ]	5853	18.83	5754	18.51
Cəmi	31081	100.00	31081	100.00

Azərbaycan bölməsi üzrə

Qiymət	Ana dili		Riyaziyyat
Qiymət	sayı	faizi	sayı	faizi
[ 2 ]	3921	14.91	4073	15.49
[ 3 ]	10766	40.94	11174	42.49
[ 4 ]	6613	25.15	6397	24.33
[ 5 ]	4996	19.00	4652	17.69
Cəmi	26296	100.00	26296	100.00

Rus bölməsi üzrə

Qiymət	Ana dili		Riyaziyyat
Qiymət	sayı	faizi	sayı	faizi
2	300	6.27	312	6.52
3	1880	39.29	1801	37.64
4	1748	36.53	1570	32.81
5	857	17.91	1102	23.03
Cəmi	4785	100.00	4785	100.00

Yuxarıdakı cədvəldən də göründüyü kimi Azərbaycan bölməsində buraxılış imtahanında iştirak edən 9-cu sinif şagirdlərinin 55.85 faizi ana dili fənni üzrə, 57.98 faizi riyaziyyat fənni üzrə “2” və “3” qiyməti alıblar. Həmin bölmədə ana dili fənni üzrə şagirdlərin 44.15 faizi, riyaziyyat fənni üzrə isə 42.02 faizi “4” və “5” qiyməti alıb.

Rus bölməsində isə buraxılış imtahanında iştirak edən 9-cu sinif şagirdlərinin 45.56 faizi ana dili fənni üzrə, 44.16 faizi riyaziyyat fənni üzrə “2” və “3” qiyməti alıb. Həmin bölmədə ana dili fənni üzrə şagirdlərin 54.44 faizi, riyaziyyat fənni üzrə isə 55.84 faizi “4” və “5” qiyməti alıb. 56 nəfər maksimum nəticə göstərərək 60 bal toplayıb.

11-ci sinif

XI sinif şagirdləri üçün buraxılış imtahanları test üsulu ilə ana dili, riyaziyyat və xarici dil fənləri üzrə keçirilib. Şagirdlərə hər bir fənn üzrə 30, ümumilikdə 90 test tapşırığı təqdim edilib. Bundan əlavə, şagirdlərə təqdim edilmiş mövzu üzrə yazı işi yerinə yetirmək təklif olunub. İmtahanın ümumi müddəti iki saat müəyyənləşdirilib, test tapşırıqlarının yerinə yetirilməsinə 2 saat 15 dəqiqə, yazı işinin yerinə yetirilməsinə 30 dəqiqə vaxt ayrılıb.

İmtahanda iştirakı nəzərdə tutulan 24445 şagirddən 333 nəfəri imtahana gəlməyib, 18 nəfər qaydaları pozduğu üçün nəticələri ləğv olunub. TQDK-nın internet saytında 24094 şagirdin imtahan nəticələri yerləşdirilib.

2015-ci ildə ilk dəfə olaraq XI sinif şagirdləri buraxılış imtahanlarında xarici dil fənni üzrə (xarici dil tədris olunmayan məktəblərin şagirdləri üçün kimya) imtahan veriblər. İştirakçılardan 23534 nəfəri xarici dil fənni kimi ingilis, 363 nəfər rus, 108 nəfər fransız, 69 nəfər alman, 8 nəfər ərəb dilindən, 12 nəfər isə kimya üzrə imtahan verib.

Ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 8-dən, xarici dil (xarici dil tədris olunmayanməktəblərin şagirdləri üçün kimya) fənnindən isə 5-dən az olmayan şagirdlər müvəffəq qiymət alırlar.

XI sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:

Təhsilin səviyyəsi	Qiymət	Fənlər üzrə düzgün cavabların sayı
Təhsilin səviyyəsi	Qiymət	Ana dili (Azərbaycan böləsi)	Ana dili (rus bölməsi)	Riyaziyyat	Xarici dil/Kimya
Tam orta	2	0-7	0-7	0-7	0-5
	3	8-17	8-17	8-16	6-15
	4	18-25	18-25	17-24	16-24
	5	26-30	26-30	25-30	25-30

İyunun 2-də tam orta təhsil bazasında (11 illik) keçirilmiş buraxılış imtahanının nəticələrinə dair statistik məlumat

Qiymət	Ana dili		Riyaziyyat		İngilis dili		fran d alman d		Ərəb d Rus d		kimya
	sayı	faizi	sayı	faizi	sayı	faizi	faizi	faizi	faizi	faizi	faizi
2	1899	7.88	1650	6.85	1340	5.69	27.78	11.59	12.50	24.52	16.67
3	8741	36.28	6543	27.16	7980	33.91	55.56	44.93	25.00	50.96	58.33
4	8523	35.37	9349	38.80	7106	30.19	12.96	24.64	50.00	19.01	25.00
5	4931	20.47	6552	27.19	7108	30.20	3.70	18.84	12.50	5.51	0.00
Cəmi	24094	100.00	24094	100.00	23534	100.00	100.00	100.00	100.00	100.00	100.00

Azərbaycan bölməsində buraxılış imtahanında iştirak edən 11-ci sinif şagirdlərinin 45.67 faizi ana dili fənni üzrə, 35.39 faizi riyaziyyat fənni üzrə “2” və “3” qiyməti alıb. Həmin bölmədə ana dili fənni üzrə şagirdlərin 54.32 faizi, riyaziyyat fənni üzrə isə 64.62 faizi “4” və “5” qiyməti alıb.

Rus bölməsində isə buraxılış imtahanında iştirak edən 11-ci sinif şagirdlərinin 36.85 faizi ana dili fənni üzrə, 27.32 faizi riyaziyyat fənni üzrə “2” və “3” qiyməti alıb. Həmin bölmədə ana dili fənni üzrə şagirdlərin 63.15 faizi, riyaziyyat fənni üzrə isə 72.68 faizi “4” və “5” qiyməti alıb. 165 nəfər maksimum nəticə göstərərək 90 bal toplayıb.

Səhifənin qisa keçidi: http://www.tqdk.gov.az/~6cT7w