BAKIDA AVROPA KOMİSSİYASININ TEMPUS PROQRAMI ÇƏRÇİVƏSİNDƏ ELMİ KONFRANS KEÇİRİLƏCƏKDİR

24.08.2003 [17:23]
Çap et
A⁺ A^-

Sentyabrın 23-24-də Bakıda TEMPUS proqramı çərçivəsində elmi konfrans keçiriləcəkdir. Azərbaycanın Almaniyadakı səfirliyində AZƏRTAC-ın müxbirinə bildirmişlər ki, proqramın respublikamız üzrə əlaqələndiriciləri səfirliyə müraciət edərək konfransın proqramını ölkəmizdəki müvafiq strukturlara çatdırmağı xahiş etmişlər. Onlar habelə bildirmişlər ki, tədbirin əsas mövzusu Azərbaycanın ali məktəblərində tədrisin müasir tələblərə uyğun şəkildə təşkil olunması və onun Avropa standartlarına uyğunlaşdırılmasına dair Avropa Komissiyasının həyata keçirdiyi layihələrin nəticələrinin təhlil və yeni layihələrin perspektivlərini müzakirə etməkdir.

Bundan başqa, konfransda TEMPUS proqramı çərçivəsində Azərbaycan Texniki Universitetində uğurla həyata keçirilmiş layihəyə yekun vurulacaq, respublikamızın daha üç ali məktəbində- Azərbaycan Neft Akademiyası, Sumqayıt Dövlət Universiteti, Mingəçevir Politexnik İnstitutunda tədrisin yenidən qurulması haqqında Avropa Şurasının bəyənib təsdiq etdiyi növbəti layihənin reallaşdırılmasına dair aktual nəzəriyyələr və elmi əməkdaşlıq haqqında məruzələr dinləniləcək, avropalı və yerli alimlərin birgə fəaliyyət strategiyası müzakirə olunacaq, müştərək əməkdaşlıqla bağlı elmi məsləhətləşmələr aparılacaqdır.

Konfransın işində Azərbaycan Təhsil Nazirliyi, Avropa Birliyinin Bakı ofisi, Almaniyanın Azərbaycandakı səfirliyi və ali məktəblərin nüiayəndələri iştirak edəcəklər.

BAKIDA AVROPA KOMİSSİYASININ TEMPUS PROQRAMI ÇƏRÇİVƏSİNDƏ ELMİ KONFRANS KEÇİRİLƏCƏKDİR

MÜƏLLİFLƏ ƏLAQƏ

Bölmənin digər xəbərləri