Bakıda Gənclərin beynəlxalq karyera forumu keçiriləcək
Bakı, 23 yanvar, AZƏRTAC
Azərbaycan Respublikasının Gənclər Fondunun maliyyə dəstəyi və Azərbaycan Demokratik Tələbə Gənclər Təşkilatının təşkilatçılığı ilə yanvarın 25-də Bakıda “Gənclərin karyera imkanları: Azərbaycan modeli” mövzusunda beynəlxalq gənclər forumu keçiriləcək.
Forumda Polşa, Rumıniya, Serbiya, Türkiyə, Rusiya, Gürcüstan, Ukrayna, Moldova və Azərbaycandan olan gənc liderlərin iştirakı nəzərdə tutulur.
AZƏRTAC xəbər verir ki, “Birlikdə daha yaxşı yaşamaq üçün!” şüarı ilə keçiriləcək beynəlxalq forum bu gün aktual problemə çevrilən gənclərin karyera, iş imkanları, yeni sosial yanaşmalar, məşğulluq və işsizlik məsələlərinə dair geniş müzakirə və təqdimatların təşkilini, zəruri bilik, bacarıq və vərdişlərin aşılanmasını, beynəlxalq təcrübə-informasiya mübadiləsini, bu sahədə uğurlu modellərin, o cümlədən Azərbaycan modelinin təhlilini, təbliğini və mövzu istiqamətində gənclərin regional şəbəkəsinin qurulmasını özündə ehtiva edəcək.
Bölmənin digər xəbərləri
