CƏMİYYƏT
Bakıda HTA Beynəlxalq Təşkilatının konfransı keçirilib
![Bakıda HTA Beynəlxalq Təşkilatının konfransı keçirilib](/files/2022/3/1200x630/16668765836168963662_1200x630.jpg)
Bakı, 27 oktyabr, AZƏRTAC
Bakıda HTA (Health Technology Assessment) Beynəlxalq Təşkilatının və Səhiyyə Nazirliyinin təşəbbüsü ilə region ölkələrin səhiyyə sistemini qabaqcıl, dünya təcrübəsinə əsaslanan texnologiyalarla tanış etmək və onun inkişaf etdirilməsinə töhfə vermək, yeni standartlara uyğunlaşaraq, əhalinin keyfiyyətli səhiyyə xidmətlərinə əlçatanlığını artırmaq məqsədilə səhiyyə islahatlarında səhiyyə texnologiyalarının qiymətləndirilməsi üzrə 1-ci beynəlxalq konfrans keçirilib.
Türkiyə, ABŞ, Polşa, Ukrayna, Niderland, Qazaxıstan, Qırğızıstan və Özbəkistandan olan nümayəndələrin iştirak etdiyin konfransda Analitik Ekspertiza Mərkəzinin Qeydiyyat-ekspertiza şöbəsinin baş mütəxəssisi Lalə Həmidzadə çıxış edib.
Mərkəzin mətbuat xidmətindən AZƏRTAC-a verilən məlumata görə, o, konfrans iştirakçılarına Azərbaycanda dərman vasitələrinin qeydiyyatının aparılması qaydaları, mərkəzin dünya standartları üzrə inkişafı və dünyanın qabaqcıl ölkələrinin səhiyyə sisteminə inteqrasiyası mövzusunda ətraflı məlumat verib.