CƏMİYYƏT
Bakıda qadın 4 il sonsuzluq sonrası üçəm dünyaya gətirib
![Bakıda qadın 4 il sonsuzluq sonrası üçəm dünyaya gətirib](/files/2022/3/1200x630/1664523168675539662_1200x630.jpg)
Bakı, 30 sentyabr, AZƏRTAC
Elmi-Tədqiqat Mamalıq və Ginekologiya İnstitutunda 4 il sonsuzluq sonrası üçəm körpələr dünyaya gəlib.
AZƏRTAC Elmi-Tədqiqat Mamalıq və Ginekologiya İnstitutuna (ETMGİ) istinadla bildirir ki, qadın ekstrakorporal mayalanma sonrası hamiləlik, 4 il sonsuzluq, üçəm hamiləlik diaqnozları ilə instituta müraciət edib, hamiləliyinin 7-ci həftəsindən etibarən ETMGİ-nin mama-ginekoloqu Leyla Süleymanovanın nəzarətində olub.
Patologiya şöbəsində stasionar müalicələrlə təmin olunan qadına hamiləliyin 34-cü həftəsində vəziyyəti ilə əlaqədar L.Süleymanova tərəfindən qeysəriyyə kəsiyi əməliyyatı icra olunub.
Sağlam şəkildə dünyaya gələn üçəmlər heç bir reanimasion tədbirə ehtiyac olmadan evə buraxılıb.