SİYASƏT
Bakıda ticari-iqtisadi əməkdaşlıq üzrə Belarus-Azərbaycan hökumətlərarası komissiyasının iclası keçiriləcəkdir
Bakı, 11 noyabr (AZƏRTAC). Ticari-iqtisadi əməkdaşlığı üzrə Belarus-Azərbaycan hökumətlərarası komissiyasının 8-ci iclası bu il noyabrın 12-də Bakıda keçiriləcəkdir. İclasda komissiyanın həmsədrləri - Azərbaycan Respublikası Baş nazirinin birinci müavini Yaqub Eyyubov və Belarus Respublikası Baş nazirinin birinci müavini Vladimir Semaşko sədrlik edəcəklər.
Bu barədə AZƏRTAC-a Belarus Respublikasının Azərbaycan Respublikasındakı səfirliyinin mətbuat xidmətindən məlumat verilmişdir.
Belarus nümayəndə heyətinin tərkibinə bir sıra nazirliklərin, o cümlədən xarici işlər, memarlıq və tikinti, sənaye, nəqliyyat və kommunikasiyalar, kənd təsərrüfatı və ərzaq nazirliklərinin rəhbərləri daxildir.
İclasda müştərək kooperasiya layihələrinin həyata keçirilməsi məsələləri, elm, tikinti, təhsil, səhiyyə sahələrində və aqrar sektorda əməkdaşlığın vəziyyəti və perspektivləri müzakirə olunacaqdır.