BALAKƏN-ŞƏKİ BÖLGƏSİNİN FERMERLƏRİNƏ VERİLƏN KREDİTLƏRİN HƏCMİ ARTMIŞDIR

01.10.2004 [11:47]
Çap et
A⁺ A^-

Dünya Bankının maliyyə yardımı ilə həyata keçirilən “Azərbaycanda kənd təsərrüfatının inkişafı və kreditləşdirilməsi” layihəsi çərçivəsində Balakən-Şəki bölgəsində kredit ittifaqlarında və birgəborclular qruplarında birləşmiş fermerlərə verilən kreditlərin ümumi həcmi 6 milyard manatdan çoxdur.

İcraçı Kredit Agentliyindən AZƏRTAC-ın müxbirinə bildirmişlər ki, həmin layihə çərçivəsində son bir il yarım müddətində bölgədə 4 min nəfərdən artıq fermer kiçik həcmli kredit almışdır. Kreditlərin geri qaytarılmasında heç bir problem yoxdur. Ödəmələri vaxtında və düzgün yerinə yetirən fermerlərə növbəti dəfə daha böyük həcmli kreditlər verilir. Bu, bölgədə sahibkarlığın inkişafına və yeni fəaliyyətə başlayan fermerlərə heyvandarlıq və bitkiçilik üzrə şəxsi təsərrüfatlarının yaradılması işinə müsbət təsir göstərir. İlin sonunadək fermerlərə verilən kreditlərin həcmi 7 milyard manata çatacaqdır.

BALAKƏN-ŞƏKİ BÖLGƏSİNİN FERMERLƏRİNƏ VERİLƏN KREDİTLƏRİN HƏCMİ ARTMIŞDIR

MÜƏLLİFLƏ ƏLAQƏ

Bölmənin digər xəbərləri