Balakəndə “Breyn-rinq” intellektual oyunu üzrə rayon turnirinin qalibləri müəyyənləşib
Balakən, 16 avqust, Mustafa Dadaşov, AZƏRTAC
Balakən rayon Gənclər və İdman İdarəsi, Gənclər evi Sosial Xidmət Müəssisəsi və YAP Balakən rayon təşkilatı Gənclər Birliyinin birgə təşkilatçılığı ilə keçirilən yeniyetmə və gənclər arasında “Breyn-rinq” intellektual oyunu üzrə rayon turniri başa çatıb.
Rayon Gənclər və İdman İdarəsindən AZƏRTAC-ın bölgə müxbirinə bildirilib ki, sağlam həyat tərzinin və intellektual fəaliyyətin təbliği məqsədi daşıyan yarışda 40 iştirakçı yeniyetmə və gənclər kateqoriyaları üzrə mübarizə aparıblar. Ümumilikdə, 30 qarşılaşma keçirilib.
Yarışın yekun nəticələrinə əsasən, gənclər kateqoriyası üzrə İmran Qurbanəliyev, yeniyetmələr kateqoriyası üzrə isə İlham Hacıyev turnirin qalibi adını qazanıblar.
Bölmənin digər xəbərləri
