BALAKƏNİN DAHA BİR KƏNDİNƏ QAZ XƏTTİ ÇƏKİLMİŞDİR
Balakən rayonunun Gərəkli kəndinə qaz xəttinin çəkilişi başa çatmışdır. Rayon mərkəzindən 3 kilometr aralıda yerləşən bu kəndin sakinləri indiyədək təbii qazdan istifadə etməmişlər. Kəndə bir kilometr uzunluğunda orta təzyiqli qaz xətti çəkilmiş və mənzillərin qazlaşdırılmasına başlanılmışdır. Artıq 55 evdə mavi yanacaq şölələnir və mənzillərin qazlaşdırılması işi davam etdirilir.
Rayon icra hakimiyyətindən AZƏRTAC-ın müxbirinə bildirmişlər ki, cari ilin əvvəlindən indiyədək rayonun Mahamalar, Hənifə, Qullar və Tülü kəndlərinə də yeni qaz xətti çəkilmişdir.
Bölmənin digər xəbərləri
