“BANK STANDARD” İYUN AYININ YEKUNLARINI AÇIQLAMIŞDIR
AZƏRTAC xəbər verir ki, “Bank Standard” iyun ayının proqnozlarını yerinə yetirərək, yüksək maliyyə göstəricilərinə nail olmuşdur. Bankın aktivləri keçən ilin sonuna olan göstəricilərlə müqayisədə 60 faiz artaraq, 158 milyon 58 min manat (AZN), cəlb edilmiş depozitlərin ümumi həcmi 55 faiz artaraq, 47 milyon 836 min manat, kredit portfeli isə 56 faiz artaraq, 26 milyon 212 min manat təşkil etmişdir.
Müştəri hesablarındakı vəsaitin məbləği ötən ilin sonu ilə müqayisədə 73 faiz yüksələrək, 34 milyon 366 min manata çatmışdır.
Mənfəət göstəricilərində də artım müşahidə olunmuş, bu ilin 6 ayında 1 milyon 756 min manat mənfəət əldə edilmişdir.
“Bank Standard” iyulun 1-də Bakıda “Arena” adlı növbəti, sayca 9-cu filialını açmışdır.
Bölmənin digər xəbərləri
