Baş nazir Skott Morrison: Avstraliya bütün dünyanın müsəlman icmasının dərdini bölüşür
Tokio, 18 mart, AZƏRTAC
Avstraliya bütün dünyanın müsəlman icmasının dərdini bölüşür və onunla həmrəydir.
AZƏRTAC xəbər verir ki, bu sözləri Avstraliyanın Baş naziri Skott Morrison Kanberradakı məsciddə yerli müsəlman icması ilə görüşü zamanı deyib. Baş nazir bildirib ki, biz bu terror hücumunu yetişdirən sağçı ekstremist ideologiya ilə heç zaman barışmayacağıq.
Görüşdən sonra fikirlərini “Twitter” sosial şəbəkəsində paylaşan S.Morrison yazıb: “Bu gün mən dəhşətli terror aktı ilə bağlı kədərlərini bölüşmək və dəstəyimi təklif etmək üçün müsəlman icmasının liderləri ilə görüşdüm. Bu hücum yalnız Yeni Zelandiyanı deyil, bütün dünya ölkələrini, o cümlədən Avstraliyanı sarsıdıb. Biz bu hücumu yaradan nifrəti, dözülməzliyi pisləmək üçün birlikdəyik”.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
