Baş Prokurorluq polis serjantının ölümü ilə bağlı məlumat yayıb
Bakı, 10 oktyabr, AZƏRTAC
Oktyabrın 10-da saat 02 radələrində Cəbrayıl Rayon Polis Şöbəsinin polis serjantı, 1998-ci il təvəllüdlü Toğrul Mədətlinin meyitinin Xocavənd rayonunun Binə Dərəsi kəndi ərazisində aşkar edilməsi barədə rayon prokurorluğuna məlumat daxil olub.
Bu barədə Baş Prokurorluğun mətbuat xidmətindən AZƏRTAC-a bildirilib.
Qeyd edilib ki, araşdırmalarla Toğrul Mədətlinin xidmətdən kənar vaxtda istintaqa məlum olmayan səbəbdən Xocavənd rayonuna getməsi və rayonun Binə Dərəsi kəndi ərazisində elektrik cərəyanı vurması səbəbindən ölməsi müəyyən edilib.
Faktla bağlı hazırda Xocavənd Rayon Prokurorluğunda araşdırma aparılır.
Bölmənin digər xəbərləri
