BBVB-DƏ TOM VƏ SPT ALƏTLƏRİ ÜZRƏ ELEKTRON HƏRRACLARININ VAXTI UZADILMIŞDIR
Bakı Banklararası Valyuta Birjası (BBVB) elektron sistemlə hərrac keçirilməsi reqlamentində iyulun 3-dən dəyişikliklər etmişdir. BBVB-nin informasiya-analitik şöbəsindən AZƏRTAC-ın müxbirinə bildirmişlər ki, bu qərar valyuta bazarının aparıcı dilerləri olan bankların xahişi ilə, habelə birja hərracları sisteminin satış qabiliyyətini daha da artırmaq məqsədilə qəbul olunmuşdur. Bunu nəzərə alaraq, BEST sistemində TOM və SPT alətləri üzrə hərrac sessiyasının vaxtı saat 17-dən 17.30-dək uzadılmışdır. Beləliklə, elektron sistemli hərrac sessiyası bayram və istirahət günləri istisna olmaqla, hər gün Bakı vaxtı ilə saat 10-dan 17.30-dək keçiriləcəkdir. Azərbaycanın valyuta bazarının inkişafında mühüm mərhələ olan BEST sistemi BBVB-də ötən il iyulun 9-dan tətbiq edilir. Elektron hərracları sistemində əqdlərin məbləği 275 milyard manatı ötmüşdür.
Bölmənin digər xəbərləri
