BDU fəlsəfə doktoru proqramı üzrə doktoranturaya qəbul elan edir
Bakı, 19 may, AZƏRTAC
Bakı Dövlət Universiteti (BDU) 2026-cı il üçün fəlsəfə doktoru proqramı üzrə doktoranturaya qəbul elan edir.
BDU-dan AZƏRTAC-a bildirilib ki, doktoranturaya sənədlərin qəbulu mayın 19-dan iyunun 9-dək “Təhsil Mərkəzləşdirilmiş İnformasiya Sistemi” (TMİS) vasitəsilə elektron qaydada həyata keçiriləcək.
Doktoranturaya qəbul olmaq istəyən şəxslər https://portal.edu.az veb səhifəsində qeydiyyatdan keçməli və tələb olunan sənədləri portala yükləməlidir.
Qəbul qaydaları haqqında daha ətraflı məlumatı BDU-nun Magistratura və doktorantura şöbəsinin rəsmi saytından: http://md.bsu.edu.az/az əldə etmək mümükündür.
Qeyd edək ki, Qəbul Komissiyası tərəfindən doktoranturaya qəbul olmaq istəyən şəxslərin sənədləri yoxlanılır və ixtisas uyğunluğu müəyyən edilir.
Sənəd qəbulu prosesində doktoranturaya qəbul olmaq istəyən şəxsin nəzərdə tutulan elmi rəhbəri tərəfindən razılıq qərarı yazılı surətdə Qəbul Komissiyasına təqdim edilməlidir. Elmi rəhbərin rəyi olmadan sənəd qəbulu tamamlanmır. Qəbul Komissiyası nəzərdə tutulan elmi rəhbərin rəyi və təqdim edilən digər sənədlər əsasında imtahanlara buraxılmaq haqqında qərar qəbul edir.
Doktoranturaya qəbul olmaq istəyən şəxslər tələb olunan sənədləri portala yüklədikdən sonra sənədlərini kağız şəklində (eləcə də elmi rəhbərin razılıq qərarını) Bakı Dövlət Universitetinin Elmi fəaliyyətin təşkili və innovasiyalar mərkəzinin Doktorantura şöbəsinə təqdim etməlidirlər.
Bölmənin digər xəbərləri
