BELARUS, QAZAXISTAN, RUSİYA VƏ UKRAYNA VAHİD İQTİSADİ MƏKAN YARADIRLAR
Qazaxıstan prezidenti Nursultan Nazarbayev Belarus, Qazaxıstan, Rusiya və Ukrayna nümayəndə heyətlərinin rəhbərlərini – bu ölkələrin baş nazirlərinin müavinləri Andrey Kobyakov, Sauat Mınbayev, Viktor Xristenko və Nikolay Azarovu qəbul etmişdir. N. Nazarbayev qeyd etmişdir ki, vahid iqtisadi məkan Belarus, Qazaxıstan, Rusiya və Ukrayna ərazisində malların, xidmətlərin, sərmayələrin və işçi qüvvəsinin azad hərəkətini təmin etməlidir. İqtisadi məkanın yaradılması dövlətlərimizin mənafeyinə uyğundur.
Vahid iqtisadi məkanın yaradılması haqqında razılıq bu ilin fevralında bu dörd ölkənin prezidentləri tərəfindən əldə olunmuşdu.
Hazırlanan sənədlər bu il sentyabrın 18-də dörd ölkənin prezidentlərinin Yaltada keçiriləcək görüşündə imzalanacaqdır.
Bölmənin digər xəbərləri
