BELARUSDA TÜRK DİLİNƏ MARAQ ARTIR
Belarusda türk dilinə maraq artır. Türkiyə Respublikasının bu ölkədəki səfiri cənab Əli Vural Oktem AZƏRTAC-ın müxbiri ilə söhbətində bildirmişdir ki, gələn il Minsk Dövlət Linqvistika Universitetində “türk dili müəllimi” ixtisası üzrə ilk tələbə buraxılışı olacaqdır. Türkiyə diplomatı demişdir ki, universitetlərin çoxunda türk dili ikinci xarici dil kimi tədris olunur. Türk dilini öyrənən tələbələr hər il praktika keçmək üçün iki ay müddətinə Türkiyəyə göndərilirlər.
Oktyabrın ikinci yarısında Türkiyədə iki ölkə arasında iqtisadiyyat, ticarət, turizm, mədəniyyət, təhsil sahələrində əlaqələrə dair konfrans keçiriləcək, digər birgə layihələr gerçəkləşdiriləcəkdir.
Bölmənin digər xəbərləri
