BƏLƏDIYYƏLƏRƏ SEÇKILƏRLƏ BAĞLI SEMINAR-MÜŞAVIRƏLƏR KEÇİRİLİR
Mərkəzi Seçki Komissiyasının mətbuat xidmətindən AZƏRTAC-a bildirmişlər ki, MSK aşağı seçki komissiyalarının maarifləndirilməsi işini davam etdirir. Artıq 2006-cı il oktyabrın 6-na təyin olunmuş Azərbaycan Respublikasında bəzi bələdiyyələrə təkrar, əlavə, yeni və ilk dəfə keçirilən seçkilərə hazırlıqla bağlı iyul ayında zonalar üzrə keçiriləcək seminar-müşavirələrin cədvəli təsdiq edilmişdir.
İyulun 13-dən etibarən Mərkəzi Seçki Komissiyasının üzvləri dairə və məntəqə seçki komissiyalarının üzvləri üçün seminar-müşavirələr keçirməkdən ötrü respublikamızın bölgələrinə yollanacaqlar. Seminar-müşavirələrdə 83 dairə seçki komissiyasının 581 üzvü, 847 məntəqə seçki komissiyasının isə 4235 üzvü iştirak edəcəkdir.
Bölmənin digər xəbərləri
