BƏLƏDİYYƏLƏRLƏ ƏLAQƏDAR YENİ QANUNLAR PAKETİ HAZIRLANMIŞDIR
Ədliyyə Nazirliyinin Bələdiyyələrlə İş Mərkəzinin rəisi Mehdi Səlimzadə AZƏRTAC-ın müxbirinə demişdir ki, bələdiyyələrlə əlaqədar qəbul olunmuş qanunların bir çoxu digər qanunvericilik aktları ilə uyğunlaşmır. Bu da bələdiyyələrin fəaliyyətində, eləcə də digər sahələrdə ciddi problemlər yaradır. Mərkəz Milli Məclisin daimi komissiyaları ilə birlikdə həmin qanunların monitorinqini aparmış və yeni qanunlar paketi hazırlamışdır. Qanunlar paketində bələdiyyə üzvlərinin, qulluqçularının sosial, maliyyə, əmək və digər problemlərinin həlli ilə bağlı yeni təkliflər vardır. Qanun layihələrinin müzakirəsi Milli Məclisin payız sessiyasının gündəliyinə daxil ediləcəkdir.
Bölmənin digər xəbərləri
