“Bərdə” Elektrik Şəbəkəsi Müəssisəsində görülmüş tədbirlər nəticə verir
Bakı, 30 oktyabr (AZƏRTAC). İstehlakçıların keyfiyyətli və dayanıqlı elektrik enerjisi ilə təmin olunması istiqamətində “Bərdə” Elektrik Şəbəkəsində görülmüş tədbirlər nəticə verir.
“Azərenerji” ASC-nin mətbuat xidmətindən AZƏRTAC-a bildirmişlər ki, cari ilin sentyabr ayında müəssisənin xidməti ərazisində keçirilmiş reydlər zamanı 52 istehlakçının elektrik enerjisindən istifadə qaydalarını pozması faktı aşkar edilmiş, qayda pozuntuları müvafiq qaydada aktlaşdırılmış və 152 min kilovat-saatdan artıq itirilmiş elektrik enerjisinin 9,1 min manatdan çox istehlak dəyəri bərpa edilmişdir.
Xatırladaq ki, müəssisənin balansına aid olan elektrik verilişi xətlərində (EVX), transformator və ya komplekt transformator məntəqələrində də təmir işləri aparılmışdır.
Bölmənin digər xəbərləri
