BƏRDƏ RAYONUNDA TAXIL BİÇİNİ BAŞA ÇATMIŞDIR
AZƏRTAC xəbər verir ki, Bərdə rayonunda taxıl biçini başa çatmışdır. Ölkədə taxılçılığın inkişafına dövlət tərəfindən göstərilən qayğı sayəsində Bərdə rayonunda taxıl istehsalında yüksək nəticələrə nail olunmuşdur.
Bərdə Rayon Statistika İdarəsindən bildirmişlər ki, 2008-ci ilin məhsulu üçün rayon ərazisində 21 min 631 hektar sahədə taxıl əkilmişdir ki, bu da ötənilkindən 12 min 472 hektar çoxdur. Əkilmiş taxıl sahələrinin 18 min 914 hektarı buğda, 2.717 hektarı arpa olmuşdur.
Hazırda rayon ərazisində taxıl biçini başa çatmışdır. Sahələrdən 70 min 312 ton taxıl yığılmışdır. Bu, ötənilkindən 41 min 031 ton çoxdur. Ümumi məhsul istehsalının 62 min 653 tonu buğda, 7.659 tonu arpadır. Məhsuldarlıq hər hektardan 32,5 sentner təşkil etmişdir. Bu, ötənilkindən 1,6 faiz artıqdır.
Bölmənin digər xəbərləri
