Bərdədə tərəvəz istehsalı artıb
Bərdə, 4 fevral, AZƏRTAC
Ötən il Bərdə rayonunda digər kənd təsərrüfatı məhsulları kimi tərəvəz istehsalında da artıma nail olunub.
Bərdə Rayon Statistika İdarəsindən AZƏRTAC-ın bölgə müxbirinə bildirilib ki, kəndli fermerlər və torpaq mülkiyyətçiləri ötən il 2549 hektarda tərəvəz bitkiləri becəriblər. Bu, əvvəlki ilin müvafiq dövründəkindən 270 hektar çoxdur. Sahələrdən 87 min 124,4 ton məhsul götürülüb. Tərəvəz bitkilərinin orta məhsuldarlığı hər hektardan 341,8 sentner təşkil edib. 2017-ci illə müqayisədə yığılan məhsul 45 min 224,7 ton, məhsuldarlıq isə 158 sentner çoxdur.
Bölmənin digər xəbərləri
