Beynəlxalq Atom Enerjisi Agentliyinin rəhbəri vəfat edib
Bakı, 22 iyul, AZƏRTAC
Beynəlxalq Atom Enerjisi Agentliyinin (BAEA) rəhbəri Yukiya Amano vəfat edib.
AZƏRTAC BBC telekanalının saytına istinadla xəbər verir ki, agentliyin rəhbərinin ölümü ilə bağlı xəbər üzv ölkələrə göndərilib. Yaponiyalı 72 yaşlı diplomat iki il əvvəl dörd illiyinə - 2021-ci il noyabrın 30-dək yenidən BAEA-nın sədri seçilmişdi. Lakin ötən həftə onun xəstəliyi səbəbindən səlahiyyətlərini gələn ilin martında tamamlayacağı bildirilmişdi. Yukiya Amanonun səhhəti ötən ilin sentyabrında agentliyin mənzil-qərargahının yerləşdiyi Avstriyada keçirilən konfransdan sonra kəskin şəkildə pisləşmişdi. Lakin yapon diplomat vəzifələrinin icrasını davam etdirib.
Bölmənin digər xəbərləri
