BEYNƏLXALQ EKOLOJİ SEMİNAR İŞƏ BAŞLAMIŞDIR

04.11.2003 [11:29]
Çap et
A⁺ A^-

Ekologiya və Təbii Sərvətlər Nazirliyində Avropa Birliyinin maliyyə dəstəyi ilə təşkil olunmuş “Ətraf mühitin monitorinqinin həyata keçirilməsində məsafədən zondlama metodunun tətbiqi” mövzusunda beynəlxalq seminar işə başlamışdır. Seminarda Şərqi Avropa, Qafqaz və Mərkəzi Asiya ölkələrinin, habelə BMT-nin Ətraf Mühit Proqramının, Avropa Ətraf Mühit Agentliyinin, Mərkəzi və Şərqi Avropa ölkələri üçün Regional Ekoloji Mərkəzin ekspertləri iştirak edirlər.

Ekologiya və təbii sərvətlər naziri Hüseynqulu Bağırov seminarı giriş sözü ilə açaraq, monitorinq prosesində və ətraf mühitin vəziyyəti haqqında hesabatda, regional və qitə miqyasında uzun müddət irimiqyaslı tədqiqatların aparılmasında böyük rol oynaya biləcək məsafədən zondlama metodunun aktuallığını vurğulamışdır. Azərbaycanda bununla əlaqədar böyük iş görülmüşdür. Nazirliyin ehtiyatları hesabına yeni təmir edilmiş və müasir avadanlıqla təchiz olunmuş Maştağa aerologiya stansiyası yaxın vaxtlarda açılacaqdır. Burada atmosferin aşağı təbəqələrinin zondlaşdırılması həyata keçiriləcəkdir.

Seminarda Avrasiya regionunda ətraf mühitin vəziyyətinin qiymətləndirilməsinə dair təcrübi proqramın həyata keçirilməsinin müxtəlif cəhətləri, strukturu və maliyyə mənbələri müzakirə ediləcəkdir. Bu proqram Şərqi Avropa, Qafqaz və Mərkəzi Asiya ölkələri üçün nəzərdə tutulmuşdur.

Seminar noyabrın 4-də başa çatacaqdır.

BEYNƏLXALQ EKOLOJİ SEMİNAR İŞƏ BAŞLAMIŞDIR

MÜƏLLİFLƏ ƏLAQƏ

Bölmənin digər xəbərləri