Beynəlxalq Kukla Teatrları Festivalı çərçivəsində səyyar fotosərgi açılmışdır
Bakı, 13 noyabr (AZƏRTAC). Cəfər Cabbarlı adına Azərbaycan Dövlət Teatr Muzeyi “Azərbaycan teatrı 2009-2019-cu illərdə” Dövlət Proqramına uyğun olaraq keçirilən “Cırtdan” II Bakı Beynəlxalq kukla teatrları festivalı çərçivəsində səyyar fotosərgi açmışdır.
Muzeydən AZƏRTAC-a bildirmişlər ki, sərgidə Abdulla Şaiq adına Azərbaycan Dövlət Kukla Teatrı ilə yanaşı, Naxçıvan, Gəncə, Qax, Salyan dövlət kukla teatrlarının da keçdiyi tarixi yolu işıqlandıran əsərlər nümayiş etdirilmişdir.
Sərgidə Dövlət Kukla Teatrının 1930-cu illərə aid afişaları, həmin o dövrün truppasının bölgələrə qastrol səfərlərini, milli kukla teatrının yaradıcısı Mollağa Bəbirlinin hazırladığı marionet kuklaları əks etdirən fotolar da yer almışdır.
Bölmənin digər xəbərləri
