Beynəlxalq turnirin qalibi olan Azərbaycan millisi FIFA reytinqində irəliləyib
Bakı, 1 aprel, AZƏRTAC
FIFA milli komandalar üçün ilin ilk reytinq cədvəlini açıqlayıb.
AZƏRTAC ali futbol qurumunun rəsmi saytına istinadən xəbər verir ki, “FIFA Series – 2026” beynəlxalq turnirinin qalibi olan Azərbaycan yığmasının mövqeyində dəyişiklik olub.
Bakıda keçirilən FIFA turniri çərçivəsində Sent Lüsiya və Syerra Leoneni məğlub edən Ayxan Abbasovun baş məşqçisi olduğu kollektiv xallarını 1136.67-yə çatdırıb və 124-cü pilləyə yüksəlib.
Qeyd edək ki, reytinqə 1877.32 xalla Fransa millisi başçılıq edir. İkinci sırada son Avropa çempionu İspaniya (1876.40), üçüncü pillədə isə Argentina (1874.81) yer alıb.
Bölmənin digər xəbərləri
