Bəzi yoxsul ölkələrdə hər yüz min nəfərə bir psixiatr düşür
Bakı, 16 iyul, AZƏRTAC
Dünya Səhiyyə Təşkilatı (DST) bütün dövlətlərə xatırladıb ki, psixi sağlamlığın qorunması üzrə xidmətlər hamı üçün əlçatan, ixtisaslı və dəyərinə görə məqbul, müalicə isə təhlükəsiz və effektiv olmalıdır. DST-nin yeni məruzəsində əhalinin səhiyyə sahəsində xidmətlərdən istifadə imkanı baxımından bərabərsizliyin artmasına diqqət cəlb olunur.
AZƏRTAC BMT-nin Xəbər Mərkəzinə istinadla bildirir ki, dünyada hər on nəfərdən biri bu və ya digər psixi pozğunluqdan əziyyət çəkir, səhiyyə sektorunun bütün resurslarının yalnız bir faizi psixiatriya sahəsində xidmətlər göstərən bölmələrə yönəldilir. Belə ki, orta və aşağı gəlir səviyyəli ölkələrdə 100 min nəfərə bir psixiatr, varlı ölkələrdə isə iki min nəfərə bir mütəxəssis düşür.
Psixi sağlamlıq üçün qlobal xərclər əvvəlki kimi yenə də çox aşağıdır. Aşağı və orta gəlir səviyyəli ölkələr psixiatriyaya ildə adambaşına iki ABŞ dollarından az, sənaye cəhətdən inkişaf etmiş dövlətlər isə - 50 dollar xərcləyirlər.
Bölmənin digər xəbərləri
