“Bild”: Almaniya xüsusi təyinatlı qüvvələri Rusiya ilə mümkün münaqişəyə hazırlaşır
Bakı, 27 oktyabr, AZƏRTAC
Almaniya Bundesverinin xüsusi təyinatlı qüvvələri Rusiya ilə mümkün hərbi münaqişəyə hazırlıq məqsədilə təlimlər keçirir.
AZƏRTAC xəbər verir ki, bu barədə “Bild” qəzeti briqada komandiri Andreas Kühneyə istinadla məlumat yayıb.
Komandirin sözlərinə görə, təlimlər genişmiqyaslı əməliyyatların aparılmasını, tanklara, artilleriyaya, dronlara və elektron müharibə sistemlərinə qarşı mübarizəni, eləcə də sərt soyuq şəraitdə fəaliyyət göstərməyi əhatə edir.
Nəşrin məlumatına görə, bölmənin şəxsi heyəti təxminən 1,5 min nəfərdir. Onların yalnız üçdə biri xüsusi təyinatlı hərbçilərdir. Heyətlə təminat səviyyəsi isə 70-80 faiz təşkil edir.
Bölmənin digər xəbərləri
