BİRGƏ TƏBİİ QAZ BAZARI YARATMAQ ÜÇÜN POTENSİAL VARDIR
AZƏRTAC-ın xarici informasiya agentliklərindən aldığı xəbərdə deyilir ki, Energetika xartiyasının himayəsi ilə Belçikanın paytaxtı Brüsseldə keçirilən “Avrasiyanın təbii qazı: perspektivlər və risklər” mövzusunda beynəlxalq konfransın iştirakçıları bu nəticəyə gəlmişlər.
Konfransın sədri Henninq Kristofersenin dediyinə görə, Avrasiya kontinentində yerləşən ölkələrin birgə qaz bazarının potensial iqtisadi üstünlüklərindən maksimum istifadə etmək üçün çox böyük həcmdə sərmayə qoymaq tələb olunur. Bu zaman sərmayələr üçün risk imkan daxilində minimuma endirilməlidir.
Konfrans iştirakçıları qazın çıxarılması və onun Avrasiya ərazisi ilə nəql olunmasından ötrü sərmayə qoyuluşunun artırılması üçün əlverişli şərait yaradılmasının vacibliyini qeyd etmişlər. Müzakirələrdə energetika şirkətlərinin, maliyyə qurumlarının və beynəlxalq təşkilatların təmsilçiləri, o cümlədən Azərbaycan, Rusiya, Qazaxıstan, Tacikistan və Türkmənistanın 200-dən artıq nümayəndəsi iştirak etmişdir.
Bölmənin digər xəbərləri
