BİRLƏŞMİŞ ƏRƏB ƏMİRLİKLƏRİNDƏ YAŞAYAN SOYDAŞLARIMIZ DA SEVİNC İÇİNDƏDİRLƏR
Respublikamızın Birləşmiş Ərəb Əmirliklərindəki səfirliyindən AZƏRTAC-a bildirmişlər ki, bu ölkədə yaşayan Azərbaycan icmasının üzvləri Milli Məclisin Avropa Şurasının Parlament Assambleyasındakı daimi nümayəndə heyətinin başçısı İlham Əliyevin AŞPA sədrinin müavini və Büro üzvü seçilməsi münasibətilə səfirliyə təbrik teleqramı göndərmişlər.
Soydaşlarımız bildirirlər ki, bu xəbər hər bir soydaşımızı sevindirdiyi kimi, BƏƏ-də yaşayan Azərbaycan icmasının üzvlərində də qürur hissi doğurmuşdur. Azərbaycan vətəndaşının belə yüksək nailiyyət əldə etməsi bütövlükdə respublika diplomatiyasının böyük uğuru və nailiyyəti kimi qiymətləndirilir.
Teleqramın sonunda Azərbaycan xalqına və dövlətinə xoş arzular bildirilir.
Bölmənin digər xəbərləri
