BMT AZƏRBAYCANA MƏRAKEŞ ÇƏYİRTKƏSİNƏ QARŞI MÜBARİZƏDƏ YARDIM GÖSTƏRƏCƏKDİR
Kənd Təsərrüfatı Nazirliyi yanında Dövlət Fitosanitar Nəzarət Xidmətinin rəisi Məmmədəli Dünyamalıyev AZƏRTAC-a bildirmişdir ki, BMT-nin Ərzaq və Kənd Təsərrüfatı Təşkilatı (FAO) ölkəmizin Gürcüstanla sərhədində Mərakeş çəyirtkəsinə qarşı mübarizə aparmaq üçün Azərbaycana yardım göstərəcəkdir.
M.Dünyamalıyev demişdir ki, cari ilin əvvəlində Mərakeş çəyirtkələri Azərbaycanın Gürcüstanla sərhədi yaxınlığındakı əkin sahələrinə xeyli ziyan vurmuşdur. Bizdən fərqli olaraq, bu ziyanvericilərə qarşı Gürcüstan tərəfindən mübarizə tədbirləri həyata keçirilmədiyinə görə problem hələ də həll olunmamışdır.
Xidmət rəisi onu da qeyd etmişdir ki, Azərbaycan beynəlxalq təşkilatlar qarşısında ermənilərin işğalı altında olan Azərbaycan ərazilərində fitosanitar vəziyyətin pozulması və bununla bağlı müvafiq tədbirlərin görülməsi ilə əlaqədar məsələ qaldırmışdır.
Bölmənin digər xəbərləri
