BÖLGƏLƏRDƏ ORXUSS İNFORMASİYA MƏRKƏZLƏRİ YARADILACAQ

11.07.2006 [19:47]
Çap et
A⁺ A^-

Ekologiya və Təbii Sərvətlər Nazirliyi bölgələrdə Orxuss informasiya mərkəzləri yaratmaq niyyətindədir. Nazirliyin mətbuat xidmətindən AZƏRTAC-ın müxbirinə bildirmişlər ki, ictimaiyyətin ekoloji məzmunlu informasiya almasını, müxtəlif təbiəti mühafizə tədbirləri keçirilməsini nəzərdə tutan mərkəzlər Gəncə, Lənkəran və Şəkidə açılacaqdır. Hazırda onların tikintisini maliyyələşdirmək məsələləri müzakirə olunur.

Azərbaycan informasiya əldə olunması, qərarların qəbulu prosesində ictimaiyyətin iştirakı və onun ətraf mühitlə bağlı məsələlərə dair ədalət mühakiməsinə yol tapması haqqında Orxuss Konvensiyasını 1999-cu ildə ratifikasiya etmişdir.

Mətbuat xidmətindən onu da bildirmişlər ki, ekoloqlar Orxuss Konvensiyasına genetik modifiksiyalı orqanizmlərlə əlaqədar əlavələri, habelə ətraf mühitə zəhərli maddələrin atılmasına dair Protokolu Azərbaycanın imzalaması üçün zəruri proseduraları həyata keçirirlər.

BÖLGƏLƏRDƏ ORXUSS İNFORMASİYA MƏRKƏZLƏRİ YARADILACAQ

MÜƏLLİFLƏ ƏLAQƏ

Bölmənin digər xəbərləri