Böyük ailələrdə yaşlı insanlar tez-tez xəstələnir
Bakı, 12 avqust, AZƏRTAC
Uşaqların soyuqdəymə nəticəsində tez-tez xəstələnmələri valideynlərin də xəstələnməsi riskini artırır. Nəticədə böyük ailələrdə yaşlılar azsaylı ailələr ilə müqayisədə 1,5 dəfə daha çox xəstələnirlər. AZƏRTAC “The Daily Mail”ə istinadla xəbər verir ki, bu qənaətə ABŞ-ın Yuta Universitetinin alimləri gəliblər.
Amerika alimləri tədqiqat zamanı 26 ailəni müşahidə ediblər. Uşaqsız ailələrdə insanlar il ərzində 3-4 dəfə soyuqdəymədən (infeksiyanın bütün halları, o cümlədən ən yüngülləri) müalicə olunub. Bir uşaqlı ailələrdə göstərici 18 həftə, altı uşaqlı ailələrdə isə 45 həftə təşkil edib.
Tədqiqatın yekunlarına görə məlum olub ki, virus mənbəyi adətən azyaşlı uşaqlardır. Onlar çox asanlıqla infeksiya daşıyıcısına çevrilirlər. Məsələn, uşaqlarda burun-udlaq virusu böyüklərlə müqayisədə iki dəfə çox aşkar olunur.
Bölmənin digər xəbərləri
