“Böyük dəbilqə” turnirinin ikinci günündə bir cüdoçumuz mübarizə aparacaq
Bakı, 18 fevral, AZƏRTAC
Təl-Əvivdə keçirilən “Böyük dəbilqə” turnirinin ikinci günündə cüdoçumuz Hidayət Heydərov mübarizə aparacaq.
AZƏRTAC xəbər verir ki, 73 kiloqram çəki dərəcəsində çıxış edəcək təmsilçimiz startda Daniyar Şamşayev (Qazaxıstan) - Oron Qiner (İsrail) cütünün qalibi ilə görüşəcək.
Qeyd edək ki, komandamızın aktivində hələlik bir medal var. Belə ki, komandamızın üzvü Yaşar Nəcəfov (66 kq) turnirin birinci günü gümüş medal qazanıb.
Qeyd edək ki, yarışda Azərbaycanın 9 cüdoçusu mübarizə aparacaq.
Bölmənin digər xəbərləri
